اسلحے کی فراہمی کی عدم بندش پرافغان حکومت سے احتجاج

نوشہرہ: وزیر داخلہ رحمان ملک نے کہا ہے کہ دہشت گردوں کو اسلحے کی فراہمی نہ روک پانے پر افغان حکومت سے احتجاج کیا ہے۔ خیبر پختونخوا کے وزیر میاں افتخار کے بیٹے کے قتل پرانٹرپول سے مدد لی جائے گی۔کراچی میں کسی پرتشدد کارروائی کی حمایت نہیں کریں گے۔ نوشہرہ میں میاں افتخار سے تعزیت کے بعد میڈیا س بات چیت میں رحمان ملک نے کہا کہ دہشت گردی کے خلاف عزم کبھی متزلزل نہیں ہوگا۔

ان کاکہنا تھا کہ میاں افتخار کا عزم، ہمت اور برداشت دہشت گردوں کو بھرپور جواب ہے۔ میاں راشد کے قاتلوں کو پکڑنے کیلئے عالمی سطح پر جائیں گے۔ وزیر داخلہ نے کہا کہ کراچی میں کسی قسم کے پرتشدد کارروائی برداشت نہیں کی جائے گی۔ رحمان ملک نے واضح کیا کہ نیویارک ٹائمز اسکوائر پر دہشت گردی کے الزام میں پکڑا جانے والا فیصل شہزاد پاکستانی نہیں ہے۔

24 جولائ 2010