لاہور: چیف سلیکٹر محسن حسن خان کا کہنا ہے کہ قومی کرکٹ ٹیم اپنی خامیوں پر قابو پاتے ہوئے انگلینڈ کے خلاف ٹیسٹ میچوں میں بھی عمدہ کارکردگی کا مظاہرہ کرے گی۔کراچی میں آج نیوز سے خصوصی گفتگو کرتے ہوئے محسن حسن خان نے کہا کہ سلمان بٹ نے ذہانت سے قیادت کرتے ہوئے قومی ٹیم کی آسٹریلیا کے خلاف پندرہ سال بعد کامیابی میں اہم کردار ادا کیا۔
انہوں نے کہا کہ پچھلے کئی میچوں میں قومی ٹیم فتح کے قریب پہنچنے کے باوجود جیت سے محروم رہی لیکن لیڈز ٹیسٹ کے بعد اس نحوست کا خاتمہ ہوچکا ہے۔ انہوں نے کہا کہ کامیابی کے باوجود کھلاڑیوں کو اپنی کمزوریوں پر نظر رکھنی ہوگی۔چیف سلیکٹر محسن حسن نے سابق کپتان یونس خان اور محمد یوسف کی قومی ٹیم میں واپسی کو بورڈ کا معاملہ کہہ کر سوال ٹال دیا۔
27 جولائ 2010
|
