طالبان سے بات چیت کا امکان نہیں ہے ،امریکی جنرل جیمس

واشنگٹن: امریکی جنرل جیمس میٹس نے کہا ہے کہ طالبان سے بات چیت کا کوئی آپشن نہیں،افغان جنگ کی معلومات افشا ہونے کے باوجود امریکا افغانستان میں ہی رہے گا۔سینیٹ کی آرمڈ سروسز کمیٹی میں افغان جنگ کی معلومات افشا ہونے کے حوالے سے بات چیت کرتے ہوئے جنرل جیمس میٹس نے کہا کہ ان معلومات کے افشا ہونے کے باوجود امریکا خطے سے نہیں جائے گا بلکہ افغانستان میں ہی رہے گا۔

جنرل میٹس کا کہنا تھا کہ نیٹو کے مشن میں طالبان سے بات چیت کا کوئی آپشن نہیں۔ انہوں نے کہا کہ افغانستان میں القاعدہ کے دوبارہ آنے کا امکان نہیں ہے۔ جنرل جیمس میٹس کو جنرل ڈیوڈ پیٹریاس کی جگہ مقرر کیا گیا ہے۔

28 جولائ 2010