جدہ:سعودی فرمانروا خادم الحرمین الشریفین شاہ عبداللہ بن عبدالعزیز نے اسلام آباد میں مسافر طیارے کے المناک حادثے اور جانی نقصانات پر شدید رنج وغم کا اظہار کیا ہے۔
سرکاری نیوز ایجنسی کے مطابق شاہ عبداللہ بن عبدالعزیز اور ولی عہد شہزادہ سلطان بن عبدالعزیز نے صدر آصف زرداری کو ارسال کئے گئے اپنے الگ الگ پیغامات میں ائیربلو مسافر طیارے کے حادثے اور اسکے نتیجے میں ہونے والی جانی نقصانات پر سعودی حکومت اور عوام کے جانب سے شدید افسوس اور رنج وغم کا اظہار کیا ہے۔ اور دعا کی ہے کہ اللہ تعالی جاں بحق ہونے والوں کو اپنے جوار رحمت میں جگہ عطا فرمائیں اور انکے غمزدہ لواحقین کو صبر کی توفیق دے اور برادر پاکستانی قوم کو ہر آفت سے محفوظ رکھے۔
29 جولائ 2010
|
